Për herë të dytë, ambsadori i SHBA-ve Donald Lu ka vizituar kryesinë e kuvendit për të zhvilluar një takim të përbashkët me ekpertët e PD dhe PS për reformën në Drejtësi. I shoqëruar edhe nga ambsadaroja e BE Romana Vlahutin, Lu do të ketë një takim me ekpertët e PD-së Enkelejd Alibeaj, Sokoli Sadushin, Gent Ibrahimin Oerd Bylykbashin etj. Nga rradhët e Partisë Socialiste është kreu i komisionit ad hoc për reformën Fatmir Xhafaj.
Mesa duket Lu dhe Vlahutin do të kërkojnë që të arrijnë në një marëveshje mes mazhorancës dhe opozitës, ku kjo e fundit prej disa ditësh nuk është paraqitur në mbledhjet e ekspertëve për reformën në drejtësi.
Ditën e djeshme, ambasadori amerikan zhvilloi një takim me kreun e parlamentit Meta, i cili zgjati përreth 3 orë.
Sakaq, këtë të premte, Meta dhe Rama kanë patur një takim mes tyre dhe një sërë krerësh të tjerë të mazhorancës qeverisëse. Kryeministri Rama më pas iu drejtua Presidencës, ku ka patur një takim me Nishani, i cili ditën e djeshme, tha se është i gatshmë që të ulë opozitën dhe mazhorancën në një tavolinë për të diskutuar dhe kapërcyer ngërçin në procesin e reformës.
Në përfundim të takimit mes Metës dhe Ramës, kryeparlamentari i bëri ftesë PD-së që të mos bojkotojë mbledhjet e ekspertëve për reformën. Në reagim, disa orë më pas, lideri demokrat Lulzim Basha tha se mazhoranca po devijon nga rekomandimet e komisionit tëq Venecias, duke thënë se PD kërkon zbatimin 100% të këtyre rekomandimeve në draftin e ri për reformën. Nga ana tjetër, Basha la të nënkuptohet se është pro një tryeze politike, si e vetmja mënyrë kjo, që të shmanget tendenca e mazhorancës, që sipas kryedemokratit, është kapja e drejtësisë.
Basha gjithashtu ka mirëpritur propozimin për një tryezë të përbashkët të udhëhequr nga Nishani, duke lënë të nënkuptohet se tryeza politike, si kërkesë e kahershme e opozitës, mund të materializohet me ndërmjetësimin e Presidentit.
