Komisioni i Pavarur i Kualifikimit shkarkon nga detyra, gjyqtarin e Gjykatës së Shkallës së Parë të Krimeve të Rënda, Luan Hasneziri, i cili u vlerësua për dy nga tre kriteret e vetingut – pastërtinë e figurës dhe profesionalizmin.
Në seancën dëgjimore, gjyqtari u përball me dyshimet mbi blerjen e një apartamenti dhe mosdeklarimin e refuzimit të një vize amerikane.
Vetë subjekti deklaroi gjatë seancës se KPK ‘po kapej pas preteksteve’ dhe mori si shembull ish-Presidentin e SHBA-së, Abraham Lincoln.
Ai pati kërkuar në një seancë të mëparshme përjashtimin e kësaj trupe, duke e cilësuar atë të njëanshme për shkak se kishte mbyllur hetimet vetëm për dy kritere. Një tjetër trup gjykues vendosi të rrëzonte kërkesën.
Por pas gjyqtarit Hasneziri radha ishte e një prokurori të Krimeve të Rënda. Komisioni i Pavarur i Kualifikimit vendosi shkarkimin nga detyra te Eugen Beçit.
Ai është një emër shumë i njohur i drejtësisë teksa ka pasur në duar çështje të nxehta dhe ishte kandidat për SPAK.
Kujtojmë se Beçi, ka qënë në krye të hetimeve për çështje të rëndësishme si ajo e Dritan Dajtit dhe e Behar Kastratit.
Pas një karriere të gjatë si prokuror pranë kësaj gjykate, Beçi është emëruar si drejtues në Prokurorinë e Krimeve të Rënda.
Por, me 4 mars 2015, ish-kryeprokurori Adriatik Llalla, njoftoi shkarkimin nga detyra të Kryeprokurorit të Krimeve të Rënda të Eugen Beçi dhe emërimin e tij në Elbasan.
g.kosoavri
