Pas publikimit të lajmit dhe disa mesazheve me përmbajtje shqetësuese nga ana e gjyqtarit të Beratit Shyqyri Çobo drejtuar një gruaje, një tjetër femër tashmë pretendon se është ngacmuar seksualisht nga ana e gjyqtarit. Ajo ka bërë një denoncim përmes një komenti në statusin e avokatit Saimir Vishaj, i cili ka reaguar duke dënuar rastin e gjyqtarit Çobo.
“S’ka nevoj per shume komente z.Sajmir. Akuza kundrejt zoterise ne fjale eshte mese e vertet .Une jam nje nder ato gra apo nena qe zgjidhjen e marteses e ka gjykuar ky zoteri dhe ju e dini qe s’jam e vetmja qe jam provokuar prej tij. Por hallet e problemet e mia me benin qe tja harroja ‘surratin’ e te mendoja per me tej per jeten time…(ose ndoshta nuk gjeta kurajon te beja te njejten gje)”,– janë këto fjalët e vajzës.
Shyqyri Çobo u denoncua nga një grua e cila kishte shkuar në Gjykatën e Beratit për të zgjidhur martesën, por gjyqtari i kishte kërkuar që të bëhej e dashura e tij. Ditën e djeshme gjyqtari u pezullua ndërsa sot, Ministri i Drejtësisë Ylli Manjani ka kërkuar nisjen e procedimit disiplinor për këtë gjyqtar./java/a.k
