Aeroporti Kombëtar i Tiranës ka njoftuar të gjithë qytetarët që duan të udhëtojnë drejt Belgjikës për kushtet e vendosura për shkak të koronavirusit.
Të gjithë qytetarët që nuk janë rezidentë në Belgjikë, duhet të paraqesin në aeroport certifikatën e vaksinës, testin PCR ose provën e kalimit të infeksionit e vlefshme deri në 6 muaj pas shërimit.
Ndërsa për udhëtarët jo resident në Belgjikë, duhet të testohen ditën e parë ose të dytë, të testohen sërish në ditën e 7-ë ose të paraqesin provë të shërimit nga infeksioni.
Njoftimi i Aeroportit Kombëtar të Tiranës:
Në vëmendje të pasagjerëve që udhëtojnë nga Tirana International Airport drejt Belgjikës
Të gjithë përsonat që udhëtojnë nga Tirana International Airport drejt Belgjikës dhe që nuk janë rezident në Belgjikë duhet:
- Të jenë të pajisur me Çertifikatën e Vaksinës ose Testin PCR
- Të testohen përsëri në ditën e 7
- Të paraqesin provë të kalimit të infeksionit Sars-Cov2, e vlefshme deri në 6 muaj pas shërimit.
Të gjithë përsonat që udhëtojnë nga Tirana International Airport drejt Belgjikës dhe janë rezident Belgjikë duhet:
- Të testohen në ditën e parë ose të dytë.
- Të testohen përsëri në ditën e 7
- Të paraqesin provë të kalimit të infeksionit Sars-Cov2, e vlefshme deri në 6 muaj pas shërimit.
Fëmijët nën moshën 12 vjeç përjashtohen nga detyrimi i testit molekular.
/b.h
