“Do të jepja një thes ari vetëm për të parë Khivën.” Një fjalë e urtë e lashtë e Azisë Qendrore tregon historinë e lavdisë së kaluar të qytetit mijëravjeçar. Kjo qendër e rëndësishme në Rrugën e lashtë të Mëndafshit ishte dikur një vend ku tregtarët mblidheshin dhe siguronin mallra për Lindjen dhe Perëndimin, duke ruajtur begatinë e rrugës së gjatë tregtare.
Qyteti antik Khiva është projekti i parë i Kinës për mbrojtjen e trashëgimisë kulturore në Azinë Qendrore. Ai ruan kompleksin më të plotë të ndërtesave të lashta në rajonin Khwarezm të Azisë Qendrore dhe gjurmët historike të kryqëzimit të qytetërimeve lindore dhe perëndimore. Megjithatë, për shkak të dëmtimit, disa ndërtesa të lashta në qytetin antik Khiva ishin duke u përkeqësuar, madje edhe në prag të shembjes.
Gjatë bashkëpunimit gjashtëvjeçar të restaurimit kino-uzbekistanas, “mjekët e relikeve kulturore” të Kinës punuan krah për krah me banorët vendorë për të rikthyer pamjen e mëparshme të ndërtesave antike me mjeshtëri dhe për të ruajtur integritetin e vërtetë dhe informacionin e çmuar historik të qytetit antik Khiva.
Ky qytet i lashtë, i cili ka qëndruar në Rrugën e begatë të Mëndafshit për mijëra vjet, sjell edhe një herë lavdi e shpresë për banorët.
“Qytetërimet komunikojnë falë diversitetit, mësojnë nga njëri-tjetri falë shkëmbimeve dhe zhvillohen falë mësimit të ndërsjellë.”; “Ne jo vetëm duhet ta bëjmë qytetërimin tonë plot gjallëri, por edhe të krijojmë kushte për zhvillimin e qytetërimeve të vendeve të tjera, me qëllim që kopshti i qytetërimeve të botës të jetë i mbushur me lule.” Në 10 vjetët e fundit, Kina ka bashkëpunuar me 17 vende që bashkëndërtojnë “Një brez, një rrugë” për të kryer 33 projekte të përbashkëta arkeologjike dhe ka promovuar në mënyrë aktive bashkëpunimin në mbrojtjen dhe restaurimin e monumentet historike.
