I ftuar në Spotlight nga Alban Dudushi, ish deputeti i LSI-së, Gledion Rahovica, ka deklaruar se Partia Socialiste ka të sigurta 5 mandate në Berat dhe po përgatitet për të 6-in.
Rehovica u shpreh se nuk ka patur kontakte me Ramën para se të largohej nga LSI. Ai shton se këto kontakte erdhën pas ikjes së tij.
Ndërsa përsa i përket asaj çka ka rënë dakord me Ramën, ish-deputeti tha se nuk i kishte kërkuar asgjë kryeministrit. Ai bën të ditur se nga LSI-ja është larguar dhe ish-ministri Sokol Dervishi vetëm se nuk është bërë ende publike.
BISEDA:
Gledion Rahovica: “Kontaktet kanë ardhur pas shkëputjes nga LSI dhe biles unë kam ndenjur me kryeministrin vetëm para një jave gjatë një vizite të tij në Berat. Herë tjetër kam pasur thjeshtë përshëndetje.
Nuk më është kursyer respekti nga të dyja palët, por më shumë kam patur informacion nga ministra ose ish-ministra të LSI-së, gjatë periudhës që kam qenë në qeverisje me PS-në, ku ankoheshin për ato që i kërkonin nga LSI dhe ato që i detyroi t’i thoshte Rama.Unë Edi Ramës nuk i kam kërkuar asgjë.
Nuk kam vajtur tek PS për të përfituar, se kam pas qëllim në vetvete asnjëherë për tu bërë deputet as kur kam qenë tek LSI.
Thjeshtë e kam parë si mjet për të influencuar dhe për t’i dhënë pak më shumë qytetit të Beratit. Sot që largohen nga LSI, qenkan të gjithë të korruptuar.
Nuk e di unë, cili është larguar sot që ka qenë, është akuzuar dje për korrupsion. Nuk di të jetë akuzuar ndonjëherë z. Naço për korrupsion.
Nuk di përveç akuzave për konsumim politike nga PD, për z. Koka, të jetë akuzuar për korrupsion.
Nuk di për ish-ministrin e Infrastrukturës, z. Dervishi, është larguar, pavarësisht se nuk është bërë publike, nuk e di të jetë akuzuar për korrupsion. E shumë e shumë figura të tjera.
Alban Dudushi: Ti mendon se LSI po shkon drejt shuarjes për shkak të lidershipit?
Gledion Rahovica: Unë parashikime elektorale nuk bëj dot. Problemi është… dua të flas për qarkun e Beratit që sot, psh. në, Partia Socialiste ka të sigurte mandatin e 5-të dhe është duke luftuar për të 6-in.
Ky është realiteti në qarkun e Beratit sot. Edhe në të gjitha qarqet e tjera, unë nuk e shoh LSI-në në atë nivel që ka qenë deri dje. Unë e nuk besoj që do marrë ato vota që ka marrë në 2017-ën, as 2013-ën. Unë sot gjykoj që Edi Rama e ka fitoren të siguruar në tavolinë.
Shqiptarët e kuptojnë që nuk mund të kthehen më 10 vite pas.E ka të siguruar për shkak të situatës, mungesës së opozitës. Unë nuk e shoh në terren PD-në, po bën fushatë mediatike.
Edhe LSI. Unë gjykoj që me këtë kod, me këtë garë elektorale, ku fronti opozitar do dalë me dy lista unë e shikoj fitoren në tavolinë të kryeministrit Edi Rama.
g.kosovari
