Nga Pajtim Bello
Dita ditës vërehen përpjekje të ethëshme për të mundësuar radikalizimin e sjelljes së opozitës pas 12 Qershorit. Disa analistë si mesazherë (nuk besoj të ufove!), të abonuar të përhershëm në media, heqin paralele me krizën e vitit 1997 dhe me pasion parajmërojnë revoltë popullore. Por a ngjan situata politike e sotme me atë të krizës 1997? Qysh prej vitit 1996 ishte krijuar një zemërim popullor, që në tre muajt e parë të vitit 1997 arriti në pikën e vlimit!..
Ky zemërim ishte mbrujtur nga fermentimi i faktorëve politikë e socialë që preknin shoqërinë shqiptare thellë e në tërësinë e sajë. Në 26 Maj 1996 mbahen zgjedhjet e përgjithshme parlamentare që rrënuan themelin e zgjedhjeve të lira, të drejta e të ndershme.
Në 20 tetor të po atij viti mbahen zgjedhjet lokale që ishin kopja e shëmtuar e atyre parlamentare të mbajtuar pesë muaj më parë! Pushteti legal në një front krminal me një pushtet okult ushtruan terror të pa shëmbullt gjatë fushatës zgjedhore, ditën e zgjedhjeve dhe më pas. Ndërkombëtarët reaguan ashpër ndaj asaj masakre.
Opozita nuk i njohu zgjedhjet parlamentare, protestoi por Pushteti e rrahu dhe masakroi barbarisht në qendër të Tiranë. Pushteti ishte shndruar në një tiranosaur të frikshëm i cili pa prerë mbillte frikë e terror kudo e mbi këdo.
Në fund vitin 1996 besimi i publikut për firmat piramidale po lëkundej. Institucionet financiare ndërkombëtare rekomandonin dhe bënin presion për mbylljen e tyre ndërkohë që Presidenti i kohës deklaroi se paret e shqiptarëve janë të pastra!
Kjo e deklaratë tij shkaktoi një dramë të rëndë për shqiptarët të cilët futën në piramida jo vetëm kursimet por deri shtëpitë dhe gjënë e gjallë. Në 8-16 janar 1997, shumica dërrmuese e piramidave falimentuan duke “groposur” pa asnjë shënjë 1,2 miliardë $ kursime të mbi 100.000 familjeve shqiptare. Në këtë situatë, zemërimi popullor kulmoi në pikën e vlimit. Më 16 janar në Vlorë, më 19 janar në Tiranë dhe më 24 janar në Lushnjë demonstratat popullore morën formën e një rebelimi dhe dihet se si janë zhvilluar ngjarjet më tej.
Zotërinj analistë apo mesazherë a mund të spiegoni ku mund ti gjeni kordinatat për të hequr paralele mes asaj kohe me pas 25 Prillin 2021? Përse në diskursin Tuaj para dhe pas zgjedhjeve të 25 Prillit, është stampuar paralelja me situatën e viteve 1996-1997?
Ndërsa paraljmëroni kthim në krizën 1997, kur u vranë 3800 shqiptarë (nga të cilët 360 policë), u plagosën mbi e 5000 të tjerë dhe Shqipëria rrezikoi integritetin territorial, ngjan se juve më shumë, me çdo kusht dhe me çdo çmim e kërkoni revoltën popullore se sa shikoni një sfond për mundësi të sajë.
Heqja e shpeshtë e kësaj paraleleje bëhet me qëllimin e keq e djallëzor për të sajuar një platformë ngjashmërie politike, ku opozita të mbështetet për të “justifikuar” vijën sjelljes së ashpër. Për hir të së vërtetës parajlajmërimet Tuaja janë të sinkronizuara me deklaratat e lidershipit të PD dhe stafit të Tij.
Ata deklarojnë se nuk do ti njohin zgjedhjet e 25 Prillit, nuk do ta pranojnë rezultatin e kësaj masakre zgjedhore, do të rrëzojnë këtë mazhorancë me çdo formë e me çdo mjet para vitit 2025 dhe së fundi dëgjojmë të flitet se Ata nuk mund të qëndrojnë në të njëjtën salle me deputetët e kësaj mazhorance. Ndërkohë Juve zotërinj analistë, duke evokuar krizën e vitit 1997, përpiqeni të ngrini siparin e një revolte popullore, sipash jush të justifikuar!..
Është e qartë se të gjithë së bashku, në kërkim të së pamundurës, po firmosni fundin pa lavdi. Ju e kuptoni fare mirë ku doni ta hidhni shoqërinë shqiptare, për këtë nuk ka dyshim.
Ajo që ende nuk kuptohet është për se pse dhe për interesin e kujt doni ti futni shqiptarët në këtë shteg plot rreziqe?! Patjetër bashkë me fundin pa lavdi do të kuptohet pse Juve e mbani në kalendarin e çdo dite evokimin e krizës 1997.
