Pas 4 vjet gjumi – siç vlerësonte Veliaj punën që (nuk) kishte bërë për kryeqytetasit ish-kryebashkiaku Basha, tashmë për të ishte koha që të sillte përmirësim të shërbimeve ndaj qytetarëve.
Erion Veliaj u ul në karrigen e kryebashkiakut në korrik të 2015-ës, e pavarësisht ‘vapës’ përveshi mëngët për të nisur menjëherë nga puna. Një gjuhë e vendosur, por mjaft e ashpër ndaj atyre që nuk do të kryenin detyrën ashtu siç duhet në shërbim të qytetarëve, por edhe ndaj qytetareve qe shkelnin rregullat e bashkejeteses ne komunitet.
Në takimet e shpeshta që zhvillonte me punonjesit e Bashkise se Tiranes refren i deklaratave të tij ishte: Puna për qytetarët. Po kaq e ashpër ishte edhe gjuha me kryeqytetasit: Kush do të shkelte ligjet e të jetuarit në komunitet, do të gjobitej.
Por 9 muaj më pas, Veliaj duket se është kënaqur nga puna e tyre, aq sa punonjësit e pastrim gjelbërimit, apo ata që kujdesen për ndriçimin në rrugët e Tiranës, kryebashkiaku i quan kolegë. Rasti më i fundit është në këtë status të ditës së sotme në rrjetin social Facebook, ku shoqëruar edhe me disa foto, Veliaj shkruan:
“Mirënjohje për të gjithë kolegët tanë, e bëjnë Tiranën një qytet më të mirë çdo ditë. Tirana në Punë”
