Sigal Prishtina mund t’ia ofrojë vetes komoditetin që të mposhtet me më pak se 14 pikë dallim dhe prapë të fitojë titullin në Ligën Ballkanike në basketboll (BIBL).
Por hyrja në parket me idenë për të humbur me më pak se 14 pikë dallim, do të ishte fatale për kampionen në fuqi të Ligës Ballkanike dhe të Kosovës, Sigal Prishtina. Kështu, të martën, ka vlerësuar Antonis Constantindes, trajneri qipriot i Prishtinës.
Ndeshja e fundit e edicionit 2015/16 në Ligën Ballkanike do të luhet të mërkurën nga orën 20:00 në palestrën “Topolica” në Tivar të Malit të Zi, shkruan Koha Ditore.
Mornari i Tivarit e pret Sigal Prishtinën në ndeshjen e dytë finale të BIBL-it. Ndeshjen e parë të luajtur para një jave në Prishtinë e fitoi Sigali me 14 pikë dallim, 82:68. Skuadra më e suksesshme pas dy ndeshjeve e fiton titullin.
Prishtina po e kërkon titullin e dytë të Ligës Ballkanike në pjesëmarrjen e tretë në këtë ligë rajonale, ndërsa Mornari është në kërkim të titullit të parë. Mornari në BIBL garon prej edicionit 2009/2010, me një shkëputje njëvjeçare
