Dje, Shtetet e Bashkuara të Amerikës votuan për të përzgjedhur përfaqësuesit e tyre në Shtëpinë e Përfaqësuesve. Fushata masive e personazheve të njohur si Taylor Swift, Blake Lively, Demi Lovato, Idris Elba, që i nxisnin fansat e tyre të votonin, bëri që një rekord njerëzish t’u drejtoheshin qendrave të votimit, rreth 31 milion njerëz më shumë se në 2014-n.
Përveç numrit të lartë të votuesve, ndikuan edhe politikat kontroversiale të Presidentit Donald Trump, një republikani, që ndan prindërit nga fëmijët që hyjnë në mënyrë ilegale në territor amerikan, që është akuzuar nga dhjetëra gra për ngacmim seksual, që mbron të drejtat e armëmbajtësve, që nisi një betejë tarifash me Kinën, premtoi ngritjen e kampeve të internimit për emigrantët e jashtëligjshëm, etj. etj. Sidomos të rinjtë synuan të ndryshonin diçka për klimën politike në vendin e tyre dhe votuan kryesisht djathtas, për kandidatë më liberalë.
Alexandria Ocasio-Cortez, 29 vjeçe, fitoi zgjdhjet në distriktin e 14 në New York, duke hyrë në histori si personi më i ri që fiton një vend si përfaqësuese në Kongres. Kjo është hera e parë që Ocasio-Cortez kandidon dhe e nisi fushatën teksa punonte si kamariere. Si e bija e një emigranti puerto-rikan, Ocasio-Cortez premtoi të punonte për shpërbërjen e ICE – agjencisë përgjegjëse për trajtimin çnjerëzor të emigrantëve në kufi – shërbim mjekësor falas për të gjithë, dhe kolegje publike falas.
Në distriktin e pestë në Minesota, Ilhan Omar u përzgjodh si muslimania e parë në Kongres. Gjithashtu, është e para me origjinë somaleze. Gjithashtu. Rashida Tlaib fitoi në distriktin e 13 në Miçigan, gruaja e parë muslimano-amerikane që përzgjidhet për Shtëpinë e Përfaqësuesve. Sharice Davids është gruaja e parë indigjene që përzgjidhet për Kongres. Përveç kësaj, është gjithashtu gruaja e dytë lesbike në Kongres dhe e para që përfaqëson Kanzasin.
Shtëpia e Përfaqësuesve mbizotërohet nga demokratët, ndërsa Senati nga republikanët. Kjo ndasi ka rëndësi pasi një projektligj nuk mund të hyjë në fuqi nëse nuk miratohet në bllok nga të dy dhomat, pra përfaqësuesit dhe senatorët. Amerikanët shpresojnë se përfaqësuesit liberalë do të ndalojnë normalizmin e trajtimit të emigrantëve në kufi, shpalljen të jashtëligjshëm të abortit, fshirjen e të drejtave të personave transgjinorë, zhbërjen e sistemit mjekësor falas, etj.
a.ç
