Disa kërkues nga Universiteti i Karolinës së Veriut kanë deklaruar se në “Facebook” apo rrjete të tjera sociale është e mundur të merren të dhënat biometrike të njohjes së fytyrave, nga foto që i publikojnë vetë përdoruesit.
Deklarata është bërë gjatë një konferencë të Usenix të mbajtur në fillim të këtij muaji mbi sigurinë e të dhënave në internet. Skuadra mori në fillim të studimit foto të 20 vullnetarëve nga burime online si “Facebook”, “LinkedIn” dhe rrjete të ngjashme. Me fotot e marra ata ndërtuan modelet 3D të fytyrave të plota. Më tej ata improvizuan duke shtuar tipare që mungonin duke i zbukuruar fotot me efekte dizajni.
Edhe pse disa nga subjektet ishin të vështirë për t’u rindërtuar, skuadra ishte në gjendje të krijonte modele të afta për t’i ngatërruar sistemet e njohjes së fytyrave. Megjithatë “Google” thekson se këto lloj sistemesh janë më pak të sigurta se fjalëkalimet e zakonshme që përdoren në rrjetet sociale.
