Mbeturina, pajisje të ndryshkura. Dhe pastaj një valixhe e errët mes shkurreve, nga e cila dalin këmbët e një vajze. Këtu Mark Antony Samson, një student filipinas 23-vjeçar i arkitekturës hodhi trupin e Ilaria Sulës pasi e goditi disa herë me thikë, në apratamentin e tij në Romë ku jetonte me prindërit.
Roli i prindërve
E reja shqiptare ishte goditur disa herë me thikë. Nuk ka gjasa që babai dhe nëna, Rik dhe Nosr, të cilët ndodheshin në apartament në momentin e krimit, të mos e kenë vënë re. Ata rrezikojnë të akuzohen për bashkëpunim në vrasje, sipas mediave italiane.
Ndërsa 23-vjeçari, i cili ka pranuar krimin, është arrestuar. Ai nuk ka shpjeguar motivin, por ka thënë vetëm: Më fal.
Dyshohet se dikush mund ta ketë ndihmuar të riun filipinas që të zhdukte trupin e Ilarias.
Për ta zbuluar, do të ekzaminohen të dhënat telefonike dhe pamjet nga kamerat e sigurisë.
Nuk dihet se kur është goditur Ilaria, ndoshta në mbrëmjen e zhdukjes së saj (25 mars), gjatë një debati, sepse ajo nuk donte të kishte më asgjë me Markun, me të cilin kishte një lidhje njëvjeçare që e kishte ndërprerë. Por ata ende flisnin me njëri-tjetrin.
Një rrëfim plot hije
Zhurma në rrjetet sociale filloi të shtunën e kaluar pasi prindërit e raportuan atë të zhdukur. Marku gjithashtu dukej i shqetësuar, mesa duket për të fshehur ngjarjen. Ai përdori telfonin e Ilarias për t’i dërguar mesazhe miqve dhe familjarëve, por mesa duket, mesazhet zgjuan dyshimet e detektivëve. Pas arrestimit, 23-vjeçari rrëeu vendin ku e kishte hedhur trupin e Ilarias. Ai tregoi se celularin e kishte hedhur në një pusetë ndërsa thikën në një kazan.
Por ka ende disa pikëpyetje mbi historinë e tij. Dhe zemërim. “Vdekja e Ilaria është një plagë e tmerrshme për të gjithë qytetin,” komentoi kryebashkiaku i Romës Roberto Gualtieri, “ne nuk duhet të qëndrojmë indiferentë përballë një femicidi tjetër të papranueshëm”.
