Nga çadrat e diellit te shezlongët dhe pnimet e kashtës apo kallamit, bashkë me anijet e barkat, ndjekur nga aparatet fotografikë… turizmi po nxit importet e mjeteve të nevojshme për të plazh. Vetëm në gjysmën e parë të vitit, vlera e çadrave dhe shezlongëve të importuar përllogaritet në 33 milionë lekë.
Të dhënat nga Drejtoria e Përgjithshme e Doganave dhe Instituti i Statistikave tregojnë se vlera e importeve të këtyre produkteve ka ndjekur trajektore të ngjashme me shifrat e turistëve.
Importet e kapelave bashkë me shportat e kashtës, apo aksesorët e punimeve të kallamit apo xunkthit gjithashtu po marrin një tjetër hov nga turizmi. Vlera e këtyre produkteve të sjella nga jashtë në Shqipëri deri në qershor përllogaritet në 168 milionë lekë. Në pesë vitet e fundit, importet e këtyre produkteve kanë njohur vetëm rritje.
Me veçanërisht të huajt që veç plazhit duan edhe aventurën, janë rritur edhe importet e anijeve dhe barkave, që për gjashtëmujorin e parë kapin vlerën e 974 milionë lekë. Vitin e shkuar importet e mjeteve të vogla të lundrimit kapën shfren e mbi 1.1 miliardë lekë, ndërsa kulmi rezulton të jetë shënuar në 2022-shin me gati 3.7 miliardë lekë.
Pa dallim nëse janë pushues vendas apo turistë të huaj…të gjithë duan një fotografi. Në 6 muaj, nga jashtë janë importuar aparatura optike dhe aparate fotografike në vlerën e mbi 7.5 miliardë lekë.
Zgjerimi i turizmit po shoqërohet gjithashtu me shtim të importeve të peshqirëve të plazhit apo produkteve kozmetike për t’u mbrojtur nga dielli.
/a.r
