Një 47-vjeçar, rezident në Angli kishte marrë rrugën në Shqipëri për të sjellë bombola me helium kontrabandë, mirëpo, ky plan i tij nuk ka përfunduar me sukses.
Ai është pikasur nga Policia në Portin e Durrësit dhe është vënë në hetim me akuzën “Kontrabanda me mallra të licencuar”.
Sekuestrohen 2 bombola me lëndë kimike (helium) dhe një automjet (furgon).
Shërbimet e Policisë në portin e Durrësit, krahas angazhimit maksimal për t’iu ofruar shërbim shtetasve që hyjnë ose dalin nga kjo pkk, vijojnë kontrollet, bazuar në analizën e riskut dhe në inteligjencën policore, për evidentimin dhe goditjen e krimeve kufitare.
Në vijim të veprimeve për këtë rast, u referuan materialet në Prokurori dhe nisi procedimi në gjendje të lirë për shtetasin shqiptar M. M., 47 vjeç, rezident në Angli, pasi gjatë kontrollit në furgonin që drejtonte, janë gjetur bombola me lëndë kimike (helium).
