Nga Spartak Ngjela
A është e vërtetë se korrupsioni shtetëror shqiptar po i shpëton ndëshkimit penal?
Ma kanë bërë shumë njerëz të shqetësuar këtë pyetje…
Mos u shqetësoni: Nuk shpëton dot asnjë i korruptuar, sepse “Nga ai Lisi me Vërë, do kalojnë që të tërë”. Ja, kështu thotë një bejte e vjetër e Labërisë. Atje, te ajo vrimë do të kalojë që të gjithë.
Shqiptarët duhet të rrinë të qetë, se puna me ekspertizë antikorrupsion po vijon e sigurt dhe me emra konkretë. Janë identifikuar 300 emrat e parë.
Po kush i hap fjalët se na qënka mbyllur lufta antikorrupsion në aspektin ndërkombëtar të saj?
Në fakt, kështu po thonë të gjithë “brumbujt” e Saliut që kanë bërë ndonjë lek si thërrime të lëshuara nga familja Berisha gjatë vjedhjeve të saj. Dhe ata që mbahen me shpresë që, kur të vijë sërish Saliu në pushtet, t’u lëshojë ndonjë pakogjë nga gjëja e vjedhur prej tij.
Kot lodheni o të munduar nga ankthi! Shumë shpejt do shihni hesapin konkret të kësaj çeshtjeje. Jeni apo s’jemi edhe ju te treqindshja e parë, kjo mbetet për t’u parë. Por, për një gjë jam i sigurt: nga “vrima e lisit” do të kalojnë që të tërë. Dhe ky, sigurisht, ashtu siç e kam thënë shpesh, do të jetë shpëtimi i vërtetë i Shqipërisë.
