Është thuajse e pamundur të gjesh disa nga emrat e famshme të ekranit në Tiranë këto ditë. Thuajse të gjithë i janë drejtuar bregdetit, ku nuk kanë nguruar të na joshin me disa foto shumë sensuale. Armina ka sjellë një foto ku shihet shumë në formë, por shumë shpejt nuk kanë nguruar ta akuzojnë se ka përdorur fotoshopin në trupin e saj. Nga ana tjetër, pushime prej beqareje të lumtur po bën edhe Viola Spiro. E nuk kishte sesi t’i mungonte këtij grupimi edhe Vildania, që këtë verë nuk i ka kursyer paratë
Këngëtarja sapo ka sjellë një klip, që ka goditur menjëherë publikun. Fill pas kësaj, Samanta i është drejtuar detit. Ashtu siç e shihni edhe në foto, ajo shfaqet në një formë shumë të mirë fizike, teksa pozon para aparatit me bikini ushtarak. Mesa duket, Samanta nuk intimidohet më përballë fotove ku shfaqet sensuale.
Afërdita Dreshaj
Kjo javë e ka vendosur në qendër të vëmendjes, pas mesazheve që rezultuan të montuara mes saj dhe Agon Amigës. Afërdita tashmë e ka lënë pas gjithë skandalin e krijuar dhe është duke shijuar pushimet. E hipur mbi një jaht, modelja po lë pas shijen e hidhur të këtyre ditëve.
Armina Mevlani
Ka pasur një vit sa të ngjeshur, aq edhe të ngarkuar, ndaj pushimet për të janë mëse të merituara. Armina ka joshur me këtë foto që ka publikuar në llogarinë personale në “Instagram” teksa duket perfekte. Megjithatë, ‘gojët e liga’ edhe këtë herë nuk e kanë lënë të qetë. Fansat në komentet kanë nxituar të shkruajnë se në foto është përdorur fotoshopi, pasi në realitet Armina ka disa kile më tepër.
Viola Spiro
Bjondja e “Top Chanel” po shijon beqarinë. Ditët e fundit ajo po kalon pushimet me shoqërinë e saj. Që pas ndarjes nga Arjoni, ajo nuk është parë në shoqërinë e ndonjë mashkulli, çfarë të lë të kuptosh se Viola po e jeton këtë kohë. E natyrisht që teksa e shikon me bikini buzë detit, nuk mund veçse ta shijosh këtë bukuri.
Françeska
Pushime të mbushura me dashuri do të quheshin ato të ish-konkurrentes së “Big Brother 5”. Kohët e fundit ajo ka bërë publike lidhjen e saj me Mirin, djaloshin që i ka rrëmbyer zemrën. Françi është në një udhëtim me partnerin, ku nuk kanë munguar as fotot që çifti na ka sjellë. Por në këtë foto kaq seksi, bukuroshja na kujton edhe njëherë pse të gjithë e adhurojnë.
Klinton Zeqiraj & “Luzja”
Padyshim që prej vitesh çdo detaj i çiftit përbën lajm. Lidhja e dy të rinjve u pa me mjaft skepticizëm fillimisht, por mesa duket Klintoni dhe Renata po jetojnë një histori të bukur dashurie. Ditët e fundit të dy janë fotografuar në Korfuz, ku veçmas rrezeve, po shijojnë edhe jetën e natës.
Vildane Zeneli
Është thuajse e pamundur t’i rezistosh tundimit për të pasur në gazetë fotot hot të Vildanes. Edhe kur është duke pushuar, modelja shfaqet provokuese. Teksa ka qenë duke marrë disa rreze, Vildania ka përfituar për të shkrepur një foto, ku më shumë sesa fytyrën, vë në pah të pasmet e saj.
Marina Vjollca
Motrat Vjollca pushimet po i bëjnë të ndara. Marina është parë ditë të e fundit në jug të vendit, teksa shijon stinën e nxehtë. Para pak ditësh ishte vetë moderatorja që postoi një foto e hipur mbi një varkë, duke vizituar Karaburunin. Portalet e ndryshme nxituan të shkruanin se në këto pushime me të është edhe Getoari, por deri më tani asgjë nuk është e konfirmuar?
Aurela Hoxha
Vera për modelen simpatike ka nisur herët. Përgjatë gjithë verës ajo na ka përshëndetur nga bregdeti. Pozat e Aurelës janë të pafundme, ashtu edhe si bikinit e ndryshme që prezantuesja ka. Me forma perfekte dhe shumë provokuese, Aurela ka pozuar edhe këtë fundjavë me rroba banjat e kuqe.
Zanfina Ismajli
Këngëtarja seksi ka zgjedhur të pushojë në një resort me pishinë. Zanfina, ndryshe nga shumë të tjerë, një pjesë të pushimeve po i kalon në Tiranë. E duke qenë se temperaturat kanë qenë të larta, ajo ka menduar të freskohet disi në një nga pishinat e kryeqytetit tonë.
