Ai aspiron të bëhet më i mirë se ata të dy por për momentin Neymar Jr e pranon se nuk është në nivelin e Lionel Messit dhe Cristiano Ronaldo.
Të parin e ka patur shok skuadre te Barcelona ndërsa CR7-ën e ka sfiduar në shumë raste si kundërshtar kur braziliani luante për blaugranat dhe portugezi për Realin e Madridit. Në një intervistë Neymar ka thurur elozhe për dy futbollistët ikonë të dekadës së fundit. “Messi është idhulli im në futboll, fakti që kam luajtur me të më ka bërë më të fortë.
Ronaldo ndërkohë është një monstër, për mua ka qenë një nder ta kisha përballë. Do të mësoj prej tyre”, deklaroi braziliani. (Tema)
