Nexhmije Hoxha, gruaja e ish-diktatorit Enver Hoxha është rikthyer të flasë vitet e diktaturës dhe më konkretisht për kontributin që ajo ka dhënë gjatët këtyre viteve. Duke folur në një dokumentar të televizionit francez Planet +, ajo thotë se ka bërë të njëjtën gjë për Shqipërinë, që Nënë Tereza bëri për Indinë.
“Atë që bëri Nënë Tereza për Indinë, e bëra unë për Shqipërinë”, ka thënë bashkëshortja e diktatorit Enver Hoxha.
Bashkëshortja e diktatorit shqiptar, që për më shumë se 40 vite mbajtën Shqipërinë nën thundrën e komunizmit stalinist, duke folur për regjisorin Joel Soler thotë se nuk i pëlqen nofka që i kanë vënë “Merimanga e zezë”.
“Kjo grua e vogël dhe vjetër është e veja e Enver Hoxhës, despotit të pastër stalinist dhe të vështirë i cili udhëhoqi me dorë të hekurt Shqipërinë për më shumë se dyzet vjet me spastrimet dhe internime masive”, shklruan televizioni Planet +.
“Nexhmije Hoxha padyshim që ka gjak mbi duart saj”, vazhdon televizioni francez, që pak ditë më parë ka transmetuar edhe dokumentarin për gruan e diktatorit shqiptar.
Deklarata e saj është bërë në ciklin e dokumentarëve “Gratë e Dikatorëve”, që transmeton television francez Planet +.
