Manuel Neuer nuk e përjashton mundësinë se në të ardhmen e largët mund të largohet nga Bayern Munich.
Portieri i bavarezëve është një nga pikat kyçe në skuadër, dhe për momentin konsiderohet më i miri në Botë në rolin e tij. Neuer u transferua në “Allianz Arena” në vitin 2011 nga Schalke 04 dhe shumë shpejt u kthye në një idhull për tifozerinë vendase. Gjithashtu 29-vjeçari është votuar për 3 vite radhazi si portieri më i mirë në formacionin e vitit nga FIFA. Megjithatë gjermani mesa duket nuk mendon ta mbyllë karrierën e tij në Bavari.
“Ndihem shumë mirë te Bayern Munich, por nuk e përjashtoj faktin që ndonjë ditë mund të dëshiroj të provoj diçka të re. Gjithsesi me klubin kam kontratë deri në vitin 2019, dhe jemi vetëm në Janar të 2016-tës”.
Që kur veshi fanellën e Bayernit, Neuer ka fituar 3 tituj të Bundesligës dhe duket se dëshiron që këtë numër ta çoj në kater, pasi skuadra e Pep Guardiolës edhe këtë vit është në rrugën e duhur për t’u shpallur sërish kampion të Gjermanisë.
