“Ne i kemi informuar paraprakisht, ata e dinin për sulmin,” u shpreh Netanyahu në një mesazh video të regjistruar, të publikuar pasdite, raporton CNN.
Netanyahu theksoi se vendimet e mëtejshme u takojnë Shteteve të Bashkuara dhe vetë Presidentit Trump:
“Çfarë do të bëjë tani, i takon Presidentit Trump. Ai i merr vendimet e tij në mënyrë të pavarur.”
Kryeministri izraelit shtoi më tej: “Nuk do të flas në emër të tij. Ai flet bindshëm dhe me vendosmëri. Ka thënë qartë se Irani nuk duhet të ketë armë bërthamore”.
Këto deklarata vijnë pas një sërë shpërthimesh në Iran dhe përshkallëzimit të tensioneve në Lindjen e Mesme, duke vënë në pah bashkëpunimin e ngushtë mes Izraelit dhe SHBA-së në çështjen e programit bërthamor iranian.
