Aleanca LGBT do të organizojë gjatë ditës së nesërme paradën “Tirana Gay (P) Ride”, e cila vjen në kuadër të datës 17 maj e cilësuar si “Dita Ndërkombëtare kundër Homofobisë”.
Sipas organizatorëve parada gay do të nisë në orën 11:00 të paradites para Pallatit të Kongreseve në Tiranë dhe do të vij me mbështetjen e “Ecovolis”.
Gjithashtu lobimi për të drejtat e komunitetit “LGBT” vjen edhe përmes një video ku marrin pjesë edhe gazetarë të njohur në mbështetje të kauzës dhe njohjes së të drejtave të këtij komuniteti.
Kjo aleancë përmes paradës dhe formave të tjera të propagandës kërkon të drejta të barabarta, të drejtën për njohjen e familjes LGBT, të drejtën për të pasur akses të barabartë dhe trajtim dinjitoz në shëndetësi, arsim dhe në çdo fushë të jetës./a.m.
