Nëse nuk ke kasën fiskale, konfiskim malli dhe burg
Qeveria do të ashpërsojë gjobat për të gjitha subjektet që nuk përdorin kasën fiskale dhe nuk japin kuponin tatimor. Brenda shtatorit, ekzekutivi do të çojë për miratim në Kuvend një paketë të plotë ligjore, ku parashikohen ndryshime në disa ligje që nuk prekin vetëm Ministrinë e Financave dhe strukturat në varësi të saj, por gjithsej 6 dikastere.
Bizneset pa kasë, nuk do të gjobiten, por do t’u konfiskohet malli. Ndryshimet ligjore janë hapi i dytë që do të ndërmarrë ekzekutivi, në përpjekje për të ulur evazionin dhe ekonominë informale. Gjoba më të rënda pritet të miratohen edhe për bizneset që nuk regjistrojnë xhiron, që bëjnë nëpërmjet përdorimit të pajisjeve fiskale dhe lëshimit të kuponit.
Në deklaratat publike, Kryeministri Rama ka theksuar fort masën e burgimit për ata që bëjnë evazion fiskal. Kjo masë u parashikua në ndryshimet që iu bënë ligjit “Për procedurat tatimore” në dhjetor të 2014-s, por nuk është zbatuar asnjëherë deri më tani. Ndryshimet ligjore që do t’i propozohen Kuvendit po koordinohen nga grupi i ngritur në Kryeministri për reformën kundër informalitetit. “
Redaksia Java News/ f.g
