Përveç të gjithë drejtuesve të partive që janë në qendër të vëmendjes për shkak të fushatave elektorale, edhe personazhi i famshëm Ilir Vrenozi nuk mbetet pas.
I ftuar në “Top News”, Vrenzoi ka ftuar sërish kryeministrin e vendit, Edi Ramën në një “betejë kokë më kokë”, duke nënkuptuar qeverisjen e Shqipërisë.
Gjithashtu, personazhi i “TikTok” e akuzon duke thënë se Rama nuk e do Shqipërinë, ndërsa thekson se nëse nuk fiton do vras veten.
“Mund të duket habi, por unë kam 90 mijë ndjekës në rrjetet sociale. Kam pa hapur akoma 650 mesazhe. Është ngritur diaspora në këmbë të më mbrojë mua. Nëse vazhdojnë sulmet ndaj meje, do e mund unë Edi Ramën. Ore do mbetem në histori. Unë e kam thënë që ky i vjedh zgjedhjet dhe nuk duhet të hynin, duhet të krijohej qeveri teknike.
Po vazhdoi do fundosë veten. Vrenozi është populli. I them të dalë me mua kokë më kokë, po nuk e munda, vras veten. Do vritem tek Skënderbeu. Nëse ai më mund, do var veten atje. Edi Rama nuk është shqiptar more, ma beso. Edi Rama nuk i do shqiptarët”, tha Vrenozi.
