Shqiptarja Alma Sarelli njoftoi kandidaturën e saj për Distriktin e 136-të të Shtëpisë së Konektikatit nën siglën e Partisë Republikane pasi kandidati i mëparshëm u tërhoq nga gara. Sarelli do të përballet me demokratin Jonathan Steinberg, i cili u zgjodh për herë të parë në këtë vend në vitin 2010 nga Westport.
Sarelli e përshkroi veten si një nënë punëtore e katër fëmijëve, një pronare biznesi dhe një rishtare në fushën politike, gjë që sipas saj ndikon për mirë, jo për keq.
“Dua ta kthej fokusin në prioritetet bazë që të gjithë ne i ndajmë: arsimi, siguria publike, qeveria e përgjegjshme, qeveria efikase. Unë dua të mbaj taksat të ulëta në mënyrë që Connecticut të mund të konkurrojë si një destinacion tërheqës për bizneset dhe familjet që punojnë shumë,“- tha Sarelli.
Ajo tha se dëshiron që shkollat të fokusohen në të mësuarit dhe arritjet e studentëve. Zbatimi i ligjit është gjithashtu një prioritet kryesor. Sarelli tha gjithashtu se do të shfuqizonte ligjet e reformës së lirimit me kusht, megjithëse ajo mbështet ligjet e Konektikatit për abortin dhe sigurinë e armëve.
Fillimisht, Tom Lasersohn ishte kandidati republikan por ai u tërhoq nga gara në gusht. Joseph Sledge, kryetar i Komitetit Republikan të Qytetit Westport tha se komiteti i vendeve të lira të RTC gjeti Sarellin dhe ajo u regjistrua si kandidate në fillim të shtatorit.
Sarelli tha se ishte frymëzuar për të kandiduar për postin bazuar në përvojat e saj të fëmijërisë.
“Si një vajzë e vogël e rritur në Shqipërinë komuniste, ne kishim vetëm një zë dhe qeveria punonte vetëm për pushtetarët. Unë gjithmonë kam dashur të bëj një ndryshim për çështje të cilat i besoja vërtet, në mënyrë që qeveria të punonte për njerëzit. Dua t’u jap banorëve të Westport një tjetër mundësi në fletëvotim.”
Sarelli tha se më shumë se 15 vjet përvojë e saj në biznes dhe se kjo gjë do ta ndihmojë në garë./m.j
