Forcat e ushtrisë ruse kanë nisur sulme të reja mbi bazat e terroristëve të ISIS. Ndryshe nga sulmet e para pak ditëve, Rusia ka vënë në sulm edhe nëndetëset që kanë në arsnenalin e tyre raketa me rreze të gjatë veprimi, dhe me impakt të lartë shkatërrues.
Sipas raportimeve të gazetes franceze “Le Monde”, gjatë orëve të para të mëngjesit të sotëm, nëndetëset ruse që ndodhen në mesdhe kanë lëshuar raketa me rreze të gjatë veprimi në disa pika kyçe ku janë të vendosur militantët.
Raketat goditën kryesisht bazën qëndrore të ISIS në qytetin Raqqa. Sipas raportimeve, ISIS është goditur me disa raketa tepër të fuqishme që nuk ishin vënë në zbatim më parë nga ustria ruse. Bombardimet ruse nisën pas ngjarjeve të Parisit dhe konkluzioneve të hetimit për rrëzimin e avionit në Sinai, që vërtetuan se erdhi për shkak të shpërthimit të një bombe në bord nga terroristët.
