Në Tufinë në një nga lagjet periferike ku mbizotërojnë vilat disa katëshe jeton në një shtëpi pa dyer, pa çati dhe me shumë lagështirë.
Valbona Zela ka humbur të shoqin këtë vit dhe ka mbetur e vetme në përpjekje për të rritur 9 fëmijë.
Temperaturat e ulëta të dimrit nuk i favorizojnë të qëndruarit me këmbë zbathur dhe pamundësinë për tu veshur ngrohet. Por si të gjthë fëmijët disa lodra të dhuruara ua kanë marrë mendjen dhe u kanë sjellë buzëqeshje.
Fëmijët janë të mitur dhe vetëm vajza e madhe është 23 vjece. Ajo ka filluar punë si kamariere me një pagë 15 mijë lekë në muaj.
42 vjeçarja thotë se e ka të vështirë të jetoëj vetëm më këto të ardhura të pakta.
Valbona Zela, kryefamiljare: U bënë 15 vjet që jetoj këtu. Në fillim jetoja në një barake pastaj këtu. Kam mbledhur tulla për të bërë këtë vend sapër të futur kokën. Të gjitha orenditë i kam të falura.
Ndihma ekonomike që merrte familja është ndërprerë në muajin nëntor pasi është punësuar vajza. Sipas ligjit, nga ndihma ekonomike përjashtohen automatikisht familjet nëse punon një anëtar i tyre.
Valbona Zela, kryefamiljare: Ndihmën ekonomike që e kam marrë deri në nëntor, pastaj ma hoqën. Arsyeja është goca që ka filluar punë kamariere. Nuk është normale, por ata kështu e kanë parë të arsyeshme.
Sikur të mos mjaftonte varfëria dhe numri i madh i fëmijëve, djali i paralizuar e rëndojnë edhe më shumë gjendjen e familjes. Ai përfiton pagesën e paftësisë por kosto e kurimit të sëmundjes së tij janë të papërballueshme.
Valbona Zela, kryefamiljare: Kam pensionin e fëmijëve 120 mijë lekë dhe cunin që kam invalid marr 97 mijë lekë.
Valbona është e dëshpëruar por jo e dorëzuar. I kalon ditët me shpresë se dikush mund të bëj dicka për të. Së pari shteti, përmes ministrisë së Mirëqenies Sociale duke e rifutur në skemën e ndihmës ekonomike për të plotësuar nevojat për ushqim të të miturve, por edhe individë dhe shoqata që ndihmojnë raste të tilla, kur fati dhe fatkeqësitë bashkëjetojnë në një strehë. Ora News
