Nëna e Lear Kurtit, Fatmira Mustafa ka folur për herë të parë për media për vdekjen e djalit të saj 32-vjeçar.
Ai ka ka hedhur akuza ndaj policisë duke thënë se kur ka parë trupin e pajetë të djalit ka vënë re se ai ka qenë i dhunuar dhe me hematoma në trup.
Ajo ka kërkuar që të dalë e vërteta dhe të hiqen njollat ndaj djalit të saj, ku është thënë se vdiq pasi gëlltiti 2 qese të vogla me kokainë dhe ndërroi jetë si pasojë e arrestit kardiak.
“Një shoku Learit më mori në telefon, por nuk më tha se çfarë kishte ndodhur. Vajtëm te spitali ushtarak kur vajtë atje më thanë nuk kemi njeri me atë emër. Pastaj morëm rrugë tjetër dhe shkuan te Nënë Tereza. Ata nuk më thonin gjë mua, ndërsa burri e dinte.
Nuk më lanë të shoh. Ishte e rrethuar me polica dhe nuk më dhanë asnjë. Unë kam humbur ndjenjat kur kuptova që djali kishte vdekur dhe nuk e di për sa kohë. Ai nuk ishte cuni im, ishte cuni i gjithë Tiranës, ai ishte i shëndetshëm. Vetëm një herë e kam regjestruar për kartel shëndetësore. Ai gëzonte një shëndet të fortë. Hashash pinte, siç pijnë të gjithë djemt e moshës së tij.
E hapa pash pjesën këtu që e kishte të qepur, në sy ishte i mavijosur. Ishte i mavijosur, një e qepur nallbançe. Kam parë një tmerr me sy. Supozimet e mia janë këto që është i dhunuar. Seç nxjerrin këto kjo është e pabesueshme. Nuk e di, se janë të rinj, por kur e ndjejnë se ndiqen e hedhin, dhe jo të thonë se e ka gëlltitur. Pashë se kishte hematomë, ai është i grushtuar i sulmuar, edhe atë ë kokës që kanë bërë ai ka marrë goditje të tmerrshme.
Kam folur dje në darkë më një shokun e tij, edhe ai ishte i shokuar, Personin që rrinte me Learin e njihja. Se ka parë ngjarjen nuk e di. Por si nënë unë di të them se ai ka ikur i dhunuar. Unë këtë di të them, kanë frikë të rinjtë, shikojnë orën dhe thonë o bo bo. kjo lagja jonë është e sulmuar . Unë nuk hedh supozime, por me shenjat që kam parë di të them se dhunuar tmerrësisht” tha ajo për “news24”.
/e.d
