Sot në orën 09:00 do të nisë zyrtarisht dhe procesi i numërimit të votave të kandidatëve për deputetë nga listat e partive politike.
Procesi i numërimit nisi ditën e djeshme për disa qendra votimit mirëpo u ndërpre në orën 00:00, për të rinisur ditën e sotme në orën 09:00.
Deri tani procesi i numërimit të votave ka përfunduar vetëm në Bashkinë Poliçan, ku kandidati më i votuar është Blendi Klosi me 1833 vota.
Kandidati për deputet më i votuar në vend, deri tani, është vetë kryeministri Edi Rama. Në listën e Vlorës, Rama ka marrë 10 mijë e 117 vota, duke thyer edhe herësin e votave.
I dyti në radhë vjen Flamur Hoxha, nga lista e PD-së në Kukës.
Listën e të preferuarve në Tiranë për Partinë Demokratike e udhëheq kreu i FRPD-së Belind Këlliçi me 883 vota, i ndjekur nga Lulzim Basha 279 vota, më pas vjen Agron Shehaj me 193 vota, Orjela Nebijaj 155, Sali Berisha ka vetëm 98 vota.
Dhjetë kandidatë më të votuar në vend deri më tani janë:
- Edi Kristaq Rama PS-Vlorë
- Flamur Lutfi Hoxha PD-AN-Kukës
- Aurora Xhavit Mara PS-Dibër
- Saimir Shpend Hasalla PS-Elbasan
- Niko Aleks Peleshi PS-Korccë
- Damian Lekë Gjiknuri PS-Vlorë
- Vullnet Ruzhdi Sinaj PS- Vlorë
- Gerta Shyqyri Duraku PS-Kukës
- Blendi Pellumb Klosi PS-Berat
- Isuf Zenel Celaj PD-AN-Kukës
Në një nga vendet që ka nisur dhe është ndërprerë numërimi i votave për kandidatët është në Librazhd, ku PD-ja ka tërhequr komisionerët e saj për arsye të paqarta.
g.kosovari
