Komisioneri Johannes Hahn ka folur sot nga Brukseli për çeljen e negociatave me Shqipërinë dhe Maqedoninë e Veriut.
Hahn tha se Gjermania ka kërkuar më tepër kohë për t’u shprehur. Sipas tij, zgjerimi i familjes evropiane është diçka e nevojshme dhe strategjike.
Por komisioneri i zgjerimit nuk e fshehu se disa vende janë kundër hapjes së negociatave.
Ai u shpreh se Danimarka dhe Holanda janë ende skeptike për Shqipërinë.
Hahn u tregua besimplotë për një vendim pozitiv në tetorin e këtij viti.
“Është me rëndësi të pranohen arritjet e Shqipërisë sa i përket marrëveshjeve mes saj dhe BE-së. Përshembull në sistemin e drejtësisë ka një arritje të madhe” – shtoi Hahn.
Komisioneri tha se është e padrejtë që të fajësohen autoritetet e Tiranës për mungesën e Gjykatës Kushtetuese.
“Dua të falënderoj presidencën rumune. Ka pasur përpjekje të suksesshme. Ne kemi bërë progres në fakt. Nuk jemi aty ku do donim por kemi bërë progres.
Këshilli ka thënë se është mjaft i rëndësishëm integrimi në BE. Shpresojmë që këto vende të Ballkanin Perëndimor të integrohen në BE. Ka disa vende që nuk janë të gatshme për të pranuar hapjen e negociatave me Shqipërinë e Maqedoninë e Veriut, megjithatë BE mendon se këto vende duhet të shpërblehen.
Nuk është vetëm në interes të këtyre 6 vendeve të Ballkanit Perëndimor por edhe në interesin tonë. Është shumë e rëndësishme të bashkëpunojmë me këto vende që përmirësojmë kushtet. Të gjitha këto bazohen edhe në merita individuale. Sipas rezultateve zgjerimi ndikon në paqe, në stabilitet në rajon pra është investim për to, megjithatë një vendim nuk është arritur të merret në lidhje me hapjen e negociatave. Nuk është arritur të merret këtë verë.
Kërkojnë më shumë kohë për rekomandimet tona që të bëjnë vlerësimin e tyre” – deklaroi Hahn.
