Kryetari i grupit të PS, Taulant Balla deklaroi pas përfundimit të seancës parlamentare se Shqipëria pret një “PO” për çeljen e negociatave.
Duke iu përgjigjur akuzave të Bashës, Balla tha se Gjermania e mbështet këtë hap të Shqipërisë.
“Shqipëria më 28 qershor pret një PO ose një JO. Në rast të një PO-je fillon puna parapërgatitore për fillimin e negociatave dhe në rast të një JO-je nuk fillon puna parapërgatitore.
Ajo që dua të ndaj me ju është që në qeverinë gjermane, në parlamentin gjerman ka një mazhorancë tejet të cilësuar në favor të PO në datën 28 qershor. Përpjekja e Bashës e cilësuar edhe nga mediat austriake, që shkruan se “PD po bën të gjitha përpjekjet për të bllokuar hapjen e negociatave” është në dëm të Shqipërisë dhe PD. Kjo përpjekje nuk ka arritur aspak që të dëmtojë këtë proces të rëndësishëm”, tha Balla
Balla tha se mund të ketë edhe një “JO”, por që nuk e pengon fillimin e punës parapërgatitore.
Mund të ketë edhe JO, por që lejon fillimin e punës parapërgatitore. Ka pasur vende të ngjashme, vende të tjera që kanë pasur një JO, por kanë lejuar, por pritshmëria jonë është që në 28 qershor të kemi PO, e cila lejon fillimin e punës parapërgatitore”
Javanews.al/a.ç
