Presidenti serb Tomisllav Nikoliç deklaroi se nëse parakusht për anëtarësimin në Bashkimin Europian është njohja e pavarësisë së Kosovës, atëherë Serbia refuzon.
Ndërkohë, ai theksoi se prioritet i shtetit të tij është anëtarësimi në Unionin Eurpopian, ndërsa tha se nëse Brukseli vendos kushte të tilla atëherë kjo do të nënkupton se qëllimisht Serbia nuk dëshirohet si anëtarë i plotë.
Ndër të tjera Nikoliç pohoi se shteti i tij është i interesuar për të rritur partneritetin me vendet e Azisë, Afrikës dhe Amerikës së Jugut, “e në veçanti për ta ruajtur miqësinë me Rusinë e Kinën”.
