Ky që shihni në foto është Boban Iliç, maqedonasi nacionalist, i cili akuzohet se shtypi me makinë një 4-vjeçar shqiptar nga Kumanova, Almir Aliun. Fill pas ngjarjes së rëndë, ku për pasojë vogëlushi u nda nga jeta, nacionalisti maqedonas u arrestua. Sakaq, ditën e sotme vogëlushi u përcoll për në banesën e fundit. E gjithë ngjarja ndodhi pas një sherri në spital.
Babai i vogëlushit shqiptar ka rrëfyer se gjithçka ndodhi për radhën e vizitës te mjeku. Ai tregoi dje se një i moshuar me urgjencë ishte paraqitur në Spital dhe familja Aliu i la radhën që të hynte i pari për vizitë. Kjo e ka acaruar maqedonasin që po priste në radhë dhe ka nisur fyerjet raciste dhe konfliktin me familjen Aliu.
Sipas mediave maqedonase, pas vizitës te mjeku, Iliç ka marrë mjetin dhe kur familja Aliu ka dalë nga spitali ai u është vënë pas me mjetin e tij, duke shtypur fëmijën shqiptar, që gjeti vdekjen në spital.
