Sali Berisha, siç e ka zakon, ka mbledhur disa gazetarë sot dhe ka mbajtur një fjalim të gjatë. Përveç akuzave tashmë të njohura, ai ka dhënë edhe disa deklarata interesante. Berisha ka thënë se nuk e pengon asgjë të rikthehet në drejtim të qeverisë nëse PD fiton zgjedhjet, pavarësisht moshës, pasi kjo ka ndodhur edhe në Venezuelë.
Ai u shpreh ndërkombëtarët s’kanë asnjë tendencë ndaj tij dhe kanë të njëjtin shqetësim me të, që në Shqipëri nuk dënohen aferat korruptive. Një deklaratë e fortë kjo, pot ë kihet parasysh se ai dhe fëmijët e tij, janë njerëzit që akuzohen më shumë për afera korruptive në Shqipëri gjatë viteve të fundit.
“Në Venezuelë një 74 vjeçar i fitoi zgjedhjet.
Kjo nuk do të thotë që Sali Berisha do të udhëheqë më PD-në.
Por, s’ka asnjë tendencë nga komuniteti ndërkombëtar kunder asnjeriu.
Komuniteti ndërkombëtar ka një shqetësim shumë serioz, që është dhe shqetësimi im, dhe që duhet të jetë shqetësimi i çdo politikani me integritet, që është mosdënimi, mosdënimi për afera korruptive.
Pastaj janë shqiptarët ata të cilët kuotojnë dhe vlerësojnë, dinë se kë dëgjojnë dhe kë s’dëgjojnë nga politikanet e tyre .
Po, ata kanë plotësisht të drejtë, e kam vlerësuar dhe e vlerësoj përpjekjen e tyre që qytetarët shqiptarë të kenë drejtësi”, tha Berisha.
TemA
