“Shpejtësi vrastare!” Me këto fjalë i shoqëron policia pamjet e aksionit të zhvilluar gjatë natës mes të premtes dhe të shtunës në rrugën interurbane Tiranë- Durrës-Tiranë.
Kontrolle të pandërprera janë ushtruar nga Polcia Rrugore me radar për të parandaluar shpejtësinë tej normave të lejuara, me qëllim rritjen e parametrave të sigurisë rrugore.
“191 km/h. E pa pranueshme kjo shpejtësi vrastare. Për 300 minuta kontroll me radar në këto akse rrugore deri në këto momente u konstatuan 20 raste të shpejtësi tej normave të lejuara që varionin nga 141 km/h deri në 191 km/h. 20 drejtues mjetesh u dërguan ne OASH, por u parandaluan 20 aksidente. Shpejtësi pa asnjë urgjencë, pa asnjë shkak, shpejtësi që vret jetën, cenon rëndë sigurinë rrugore të përdoruesve të tjerë të rrugës, shpejtësi që në shumë raste fatkeqe patenta është dërguar pa të zotin pranë familjes”, thotë policia.
Më tej bëhet apel për drejtuesit e mjeteve që ti japin fund shpejtësisë fluturuese para se aksidenti t’i ndalojë ata.
Ftohen ndër të tjera që të mbajnë parashysh këto këshilla:
-Qarkullojmë më ngadalë për të jetuar më gjatë.
-Drejto automjetin duke respektuar rregullat e qarkullimit rrugorë; dikush po pret në shtëpi.
-Binduni policisë rrugore; ndiqni rregullat e trafikut për të shmangur aksidentet.
-Jeta është e shtrenjte, mbrojeni atë.
g.kosovari
