Ish- kryebashkiaku i Hasit nga koalicioni PS- LSI, Adem Lala do të jetë zyrtari i parë lokal që SPAK e thërret si të pandehur.
Lala akuzohet për shpërdorim detyre lidhur me privatizimin e një ndërtese në Has por që më pas u anulua.
Ai do të paraqitet në SPAK më 18 qershor ndërkohë që nga një komunikim te tij me News24, ka thënë se nuk është i shqetësuar pasi s’ka kryer asnjë shkelje. Po ashtu ai shpreh shqetësimin se ndërkohë që peshqit e mëdhenj lundrojnë lirshëm SPAK merret me këto çështje.
Për këtë çështje fillimisht procedimi u regjistrua në Prokurorinë e Kukësit dhe më pas në SPAK teksa Lala thotë se do të jetë i hapur për hetime.
/e.rr
