24-vjeçari Mikel Shallari, i arrestuar si autor i vrasjes së kryepolicit Artan Cuku më 8 Prill 2017, është nga fshati Dikatër rreth 10 km larg Kuçovës.
Report Tv shkoi sot në fshatin Dikatër për të mësuar diçka më shumë për familjen e Shallarit, e cila ishte zhvendosur vite më parë nga Skrapari në Kuçovë.
Banorët refuzojnë të japin informacion ndërsa familja prej katër anëtarësh e killerit ka jetuar deri para pak kohësh aty.
Mësohet se dy prindërit dhe motra e Mikel Shallarit prej tre muajsh janë zhvendosur në Tiranë.
Jashtë kameras, banorët e fshatit Dikatër, fqinjë me Mikel Shallarin, shprehen se 24-vjeçari nuk ka qenë person problematik në komunitet.
Sipas tyre, ai ka qenë person i shoqërueshëm, ndërsa theksojnë se familja e tij ka pasur probleme ekonomike.
