Në Shqipëri numëri i ndërmarrjeve tregëtare për vitin 2014 është rritur. Të dhënat e INSTAT tregojnë se tregojnë se janë 112.537 ndërmarrje që kanë ushtruar aktivitetin ekonomik gjatë vitit 2014 krahasuar me 111.083 ndërmarrje aktive gjatë 2013.
Industria përpunuese përfaqëson numrin më të lartë të ndërmarrjeve me 50 e më shumë të punësuar me 21,1%. Rreth 90% të ndërmarrjeve janë me 1-4 të punësuar.
Pjesa më e madhe, 69%, janë ndërmarrje me vetëm një të punësuar. Ndërmarrjet e mëdha me 50 e më shumë të punësuar përfaqësojnë 1,3% të numrit gjithsej, por kontributi i tyre në punësim është shumë i ndjeshëm, 50%. Rreth 52,6% e ndërmarrjeve aktive janë përqendruar në qarqet Tiranë e Fier.
Mbizotërimi i prodhuesve të shërbimeve është dukuri në të gjitha qarqet dhe luhatet nga 80% në Qarkun Fier deri në 87,7% në Qarkun Tiranë. Në vitin 2014 shkalla e lindshmërisë së ndërmarrjeve të reja është 15,4% nga 10,9% në vitin 2013. Gjatë këtij viti janë krijuar 17.377 ndërmarrje të reja. Qarku Lezhë ka shkallën më të lartë të lindshmërisë me 25,6%, ndërsa Qarku Dibër më të ulët me 11,7%.
