Në Shqipëri çdo njeri ka të paktën 2 telefona
Deri në fund të qershorit 2015 në Shqipëri numërohen rreth 3.3 milionë përdorues aktivë të telefonave celularë dhe rreth 4.9 milionë karta SIM në përdorim.
Sipas të dhënave të Autoritetit të Komunikimeve Elektronike dhe Postare (AKEP), këto shifra përfaqësojnë një depërtim prej 117 dhe 173% përkatësisht.
Gjatë tremujorit të dytë të vitit, volumi i minutave bisedë prodhuar nga rrjetet e telefonisë së lëvizshme u rrit me 7% krahasuar me të njëjtën periudhë të 2014-ës.
Ndërkohë, sipas AKEP-it 22891 përdorues ndryshuan operatorin celular dhe 637 atë fiks duke mbajtur të njëjtin numër gjatë muajve prill, maj dhe qershor.
