Dozat e para të vaksinës së COVAX që pritet të mbërrijnë në Shkurt, do të përdoren për vaksinimin e mjekëve të linjës së parë por edhe të moshuarit.
Ekspertët kanë përgatitur tashmë një grafik për mënyrën si do të procedojnë.
“Në planifikimin e parë janë mjekët e linjës së parë, mjekët e spitaleve rajonale, pneumologë por do të kemi dhe vaksinime paralele, përveç këtyre ne do fusim dhe vaksinimin e të moshuarve në shtëpitë e të moshuarve” – thotë Erida Nelaj.
Me 1200 dozat e para të vaksinës Pfizer, që shteti shqiptar i mori dhuratë, po vijon vaksinimi i mjekëve të spitaleve Covid. Edhe pse jo një rregull i shkruar, ata që e kanë kaluar covidin, ua kanë lënë radhën kolegëve që s’kanë rënë ende në kontakt me virusin.
“Sugjerimi është që të vaksinohen dhe nëse e kanë kaluar Covid, gjithsesi listat paraprake përgatiten në spital, dhe nëse e kanë kaluar rishtas mund t’ju a lënë radhën të tjerëve po normalisht janë paraqitur mjekë, infermier që e kanë kaluar shumë herët”.
Deri më tani janë vaksinuar mbi 500 mjekë, infermierë dhe epidemiologë të rajonit të Tiranës. Sipas ekspertëve deri më tani nuk është raportuar asnjë efekt anësor.
/a.r
