Kombëtarja shqiptare ka humbur plot 10 vende në renditjen e re të FIFA-s.
Kuqezinjtë pozicionohen në vendin e 45 me 632 pikë, 10 pozita më poshtë në krahasim me muajin e kaluar.
Shqipëria fitoi me Luksemburgun 2:0 në miqësore, por humbi miqësoren më të rëndësishme me Austrinë dhe kjo ka pasur ndikim negativ në renditjen e kuqezinjve.
Renditja e FIFA-s pësoi ndryshime edhe në vendet e para të saj. Tani është Argjentina ajo që ka dalë në krye me 1532 pikë, duke zbritur në vendin e dytë Belgjikën, ndërkohë që në vendin e tretë është ngjitur Kili.
Kanë pësuar rënie në klasifikimin e FIFA-s edhe Gjermania e Spanja. Skuadra kampione e botës gjendet në vendin e pestë, pas Kolumbisë, ndërsa kampionët në fuqi të Evropës janë të gjashtit.
Zbresin në renditje Anglia e Italia, që gjenden respektivisht në vendin e 10 dhe të 15, ndërsa Franca është ngjitur në vendin e 21-të.
