Arrestohet ne Selanik një shqiptar i kërkuar, i cili konsiderohej person me rrezikshmëri të lartë.
Pas hetimeve me metoda speciale është arrestuar në qendër të Selanikut shqiptari 43-vjeçar, i cili:
Kërkohej nga Interpol Tirana, pasi me gusht 1997, në një qytet të Shqipërisë, ka vrarë me armë zjarri një person për shkak të një konflikti familjar.
Shqiptari kërkohej nga autoritetet gjermane edhe për vrasje në Gjermani.
Në vitin 2003, ai është arrestuar me identitet tjetër në Greqi. Në muajin korrik të atij viti, pas një grabitje banke, ai ka hapur zjarr ndaj policisë greke duke plagosur një efektiv. Për këtë ngjarje shqiptari ishte dënuar me 20 vite burg, që e ka vuajtur sipas legjislacionit grek.
Por është zbuluar se shqiptari, emri i vërtetë i të cilit nuk është bërë publik, kishte kryer krime edhe më të rënda në vendin tonë dhe Gjermani.
Personi i arrestuar do t’i referohet Prokurorit Publik kompetent me qëllim ekstradimi.
g.kosovari
