Shifrat e punësimit konfirmojnë rritjen progresive edhe gjatë javës 15-20 mars 2019.
Sipas informacionit zyrtar, këtë javë janë punësuar 592 persona vetëm nga zyrat e punës.
Shifrat e punësimit për periudhën 15 mars -20 mas sipas qarqeve, janë: Në qarkun Berat janë punësuar 27 persona, nga këto 8 në Skrapar, 9 në Kuçovë dhe 10 në bashkinë Berat.
Në qarkun Durrës janë punësuar gjithsej 52 persona, nga këto në Durrës 33 dhe në Krujë 19. Në qarkun Fier janë punësuar 46 persona nga këta në Lushnjë 10 persona, në Mallakastër 6 dhe në bashkinë Fier 30 persona.
Në qarkun Gjirokastër janë punësuar 15 persona, nga këto 7 janë punësuar në Përmet dhe 8 në bashkinë Gjirokastër. Në qarkun Korçë janë punësuar 48 persona, prej të cilëve në Pogradec 12, Kolonjë 4, bashkinë Korçë 30 dhe në Devoll 2 persona.
Në qarkun Kukës janë punësuar gjithsej 23 persona, nga këto në Kukës 10, në Has 7 dhe në Tropojë 6.
Në qarkun Dibër numërohen 10 të punësuar të rinj 3 në bashkinë Dibër, 4 në Mat dhe 3 në Bulqizë. Ndërsa në qarkun Elbasan janë punësuar gjatë kësaj jave 65 persona, 42 në bashkinë Elbasan, 4 persona në Gramsh, 15 në Librazhd dhe 4 në Peqin. Në qarkun e Lezhës numëron 26 punësime të reja për javën 15-20 mars. Nga këto 12 janë punësuar në Lezhë, 4 në Kurbin, dhe 10 në Mirditë. Në qarkun Shkodër shënohen 35 punësime 26 prej të cilave në bashkinë Shkodër, 7 në Malësinë e Madhe dhe 2 në Pukë. Ndërsa në qarkun e Tiranës arrin në 215 numri i të punësuarve 208 në bashkinë Tiranë dhe 7 në Kavajë.
Ndërsa në qarkun e Vlorës shënohen 30 të punësuar 21 në bashkinë Vlorë 6 në Delvinë dhe 3 në Sarandë.
Treguesit në rritje të punësimit i konfirmoi edhe raporti i publikuar së fundi nga Banka Botërore, e cila e renditi Shqipërinë si vendin e parë në Ballkan për numrin më të lartë të të punësuarve në vitin e fundit.
