Kryeministri ukrainas Denys Shmyhal ka folur ditwn e sotme para gazetarwve, lidhur me zhvillimet e fundit politike, ku Presidenti i SHBA-ve, Donald Trump, vendosi ndërprerjen e ndihmave për Kievin.
Shmyhal thotë se Ukraina ka pasur “kohë të ndryshme gjatë këtyre tre viteve, që kur Rusia filloi pushtimin e saj në shkallë të plotë”, kur ndihma është vonuar.
Për vazhdimin e luftimeve, ai thotë: “Ne ukrainasit nuk kemi zgjidhje tjetër… kjo mbrojtje nuk na bën të ndalojmë sepse as armiku nuk ndalet”.
“Ne kemi besim se po furnizojmë ushtrinë tonë me gjithçka të nevojshme, pavarësisht nga rrethanat”, tha ai më tej.
Këtë vit, Ukraina planifikon të rrisë prodhimin vendas të armëve me 50%, shton ai, duke thënë se kjo mund të plotësojë “të gjitha nevojat tona” në teknologjinë detare dhe dronët tokësorë.
“Ukraina po prodhon gjithashtu artilerinë e saj dhe do të plotësojë të gjitha nevojat e saj brenda këtij viti”, shton Shmyhal.
