Banorët e Los Angelos mund të marrin tani dashuri ekstra teksa shoqerojnë kafenë e tyre të mëngjesit. Kjo është e vetmja kafe e këtij lloji në mbarë Shtetet e Bashkuara të Amerikës, një kafene me qen, mikun më të mirë të njeriut, por në të cilin ofrohen gjithashtu lojëra dhe kënaqësi për disa minuta.
Kjo bar-kafene quhet “Kafja e qenve”. Në të, klientëve i lejohet të marrin një kafe, me pas të ulen diku, të marrin një qen e të krijojnë një lidhje me to, madje nëse lidhja bëhet e fortë, ato edhe mund të kërkojnë ta adoptojnë njërkin prej tyre.
“Unë jam rritur në Kore dhe kam frekuentuar shumë kafene të këtij lloji dhe jam përfshirë shumë herë në disa operacione për shpëtimin e tyre” tha pronarja e barit, sarah Volfgang.
“Dhe kur erdha këtu, vizitova një strehë që në muajin e parë kur erdha në Amerikë dhe kuptova se ka shumë kafshë që kanë nevojë për tu adoptuar. Mbi të gjitha qentë e braktisur. Dhe mendova, cila është mënyra më e mirë për të vepruar dhe për të luftuar braktisjen? Kështu, pak nga pak mendova të krijoj këtë kafene si një mënyrë lidhëse edhe për ata njerëz që nuk shkojnë në strehat e kafshëve”.
Të gjithë këto kafshë janë shpëtuar nga këto streha dhe janë rehabilituar nga Volfgang dhe stafi i saj.
Klientja carmen Lu tha se ishte shumë e lumtur që kjo kafene e re është në lagjen e saj.
“Unë i kam shumë qejf qentë dhe më pëlqen që kam një lidhje të fortë me ta. Mendoj se edhe ideja e adoptimit është shumë e mirë sepse teksa ti pi kafenë, dhe luan me ta, e kupton lidhjen dhe afeksionin që krijohet. Ndaj mendoj se kjo mënyrë është shumë e lehtë” tha Lu.
Për shkak të kërkesës dhe interesit të lartë, pronarja ka vendosur një tarifë 10$ për të hyrë në kafene, për të marrë një filxhan kafeje dhe për të luajtur për 55 minuta me këlyshët e bukur.
