Emrat e tre autorëve të atentateve në Paris në nëntor 2015 figurojnë në listat e grupit Shteti Islamik (ISIS) që janë publikuar kohët e fundit, konfirmuan sot shumë prej mediave gjermane.
Bëhet fjalë për Samy Amimour, Foued Mohammed Aggad dhe Omar Mostefai, tre nga sulmuesit francezë të Bataclan-it, përgjegjës të vdekjes së 90 personave që nodheshin në këtë sallë spektakli pariziane, thekson e përditshmja “Süddeutsche Zeitung” dhe kanalet televizive publike NDR dhe WDR, që kanë akses në dokumentat që kanë rrjedhur nga ISIS-i.
Emri i Abdelhamid Abaaoud, i konsideruar si një nga organizatorët e sulmeve që bënë 130 të vdekur, ndodhet në këto dokumenta por vetëm si garantues i një xhihadisti tjetër francez për të hyrë në Siri, identiteti i të cilit nuk saktësohet.
