Në Krujë, në një prej vatrave të koronavirusit dyshohet se kanë rezultuar pozitivë edhe pesë raste të rinj gjatë 24 orëve të fundit.
Të infektuarit janë punonjës të fasonerisë dhe kontakte të tyre.
News 24 raporton se ditën e djeshme janë marrë 38 mostra, pesë prej të cilave dyshohet se kanë rezultuar pozitivë.
Mësohet se gjendja shëndetësore e të prekuve është e stabilizuar dhe ata janë vetëkarantinuar në banesat e tyre.
Aktualisht në Krujë kanë rezultuar pozitivë 97 raste, ndërsa numri i personave që kanë rezultuar pozitivë në të gjithë vendin është 750.
Vatra kryesore mbetet Tirana me 309 të infektuar, por fatmirësisht 431 persona janë shëruar. Ndërsa numri i viktimave ka shkuar në 30.
g.kosovari
