Shoqata e të Verbërve të Kosovës, e mbështetur nga Programi Anti-Korrupsion i UNDP-së në Kosovë dhe Agjencia Kundër Korrupsion, do të promovojë në Prishtinë ligjet anti-korrupsion në alfabetin Braille.
Ligjet janë përgatitur në gjuhën shqipe dhe serbe dhe promovimi i tyre shënon edhe fillimin e Javës së Shkopit të Bardhë, që ka për qëllim vetëdijesimin për nevojat e personave me aftësi të kufizuara në të parë. Kjo mbështetje mundësohet falë ndihmës së Agjencisë Zvicerane për Zhvillim dhe Bashkëpunim (SDC).
I ftuar i posaçëm është Ministri i Drejtësisë Hajredin Kuçi, e në ngjarje do të marrin pjesë përfaqësues të Shoqatës, SDC-së dhe Programit të Kombeve të Bashkuara për Zhvillim (UNDP).
