Ekstradohet nga Belgjika një shtetas shqiptar, i dënuar me 11 vjet burg.
Nga Specialistët e Interpol Tirana ështe bërë ekstradimi nga Belgjika drejt Shqipërisë, i Martin (Aleksandër) Tusha, 47 vjeç, lindur në Mamurras.
Tusha ishte shpallur në kërkim ndërkombëtar, pasi Gjykata e Shkallës së Parë Tiranë, e ka dënuar me 11 vjet burgim.
Ai akuzohet për veprat penale “Heqje e paligjshme e lirisë” dhe “Vjedhje me dhunë”.
Në datë 11 nëntor të vitit 2011, Martin Tusha, në bashkëpunim me një shtetas tjetër, kanë thirrur në banesën e tyre dy punëtorë të një dyqani dur-alumini.
Sapo shkuan, punëtorët janë prangosur nga Tusha dhe janë mbajtur për 24 orë, duke u marrë të gjitha sendet personale dhe një kartë krediti.
Prej disa kohësh ai fshihej në Belgjikë ku dhe u kap./a.m.
