Specialistët për Hetimin e Narkotikëve në Drejtorinë Vendore të Policisë Durrës, në vijim të punës për kapjen e personave të shpallur në kërkim ndërkombëtar, kanë bërë të mundur arrestimin, me qëllim ekstradimi drejt Italisë të shtetasve: Ilirjan Orhan 53 vjeç, banues në Shkozet, Durrës; Kridens Kërçuku 37 vjeç, banues Durrës; Erald Zyka (Nasto) 34 vjeç, banues në Durrës.
Gjykata e Milanos në Itali, ka nxjerrë urdhër arresti për veprat penale: ”Mbajtja e sendeve të vjedhura” dhe “Shkelje të ligjit për drogat”, parashikuar në nenet 648 dhe 73 të Kodit Penal Italian, në ngarkim të shtetasit Ilirjan Orhan; ”Shkelje të ligjit për drogat e kryer në bashkëpunim”parashikuar nënenet 110 dhe 81 të Kodit Penal Italian, në ngarkim të shtetasve Kridens Kërçuku dhe Erald Zyka(Nasto), Maksimumi i dënimit parashikohet 20 vjet./a.m.
