Ilda Bejleri ka qenë e ftuar këtë mëngjes në emisionin “Wake Up”.
Ndër të tjera ajo është pyetur edhe për komentet e Muç Nanos.
“Mua s’më dha asnjë ndjesi se Mustafa Nano s’është as Chanel as Karl Lagerfeld.
Kështu që, përsa kohë një njeri s’ka lidhje fare me atë që thotë…
Për më tepër që fotot që kishte nxjerrë s’kishin asnjë lidhje me emisionin e asaj dite.
Ishin të tre viteve më para.
Janë disa gjëra që kur je pjesë e medias duhet t’i pranosh dhe t’i injorosh.
Mendoj që është diçka personale, që një njeri e ka të qëllimshme.
Në botën e showbizit ku jetojmë ka aq njerëz me të cilët mund të merresh, këngëtarë apo aktorë.
Pa fyer askënd, por besoj se ne si pjesë e sportit dhe pjesës së medias nuk krahasohemi fare me disa fusha të tjera të artit.
Edhe në Itali po të shohësh jam më e veshur se gazetaret atje”, tha ajo.
Më poshtë janë disa foto të Ildës, se si vishet kur drejton emisionet.
Janë provokuese apo jo, e vlerësoni ju.
Mustafa Nano ka nxitur debate të mëdha pas komentit të tij që u drejtohej moderatoreve Bora Zemani dhe Ilda Bejleri.
Ai i cilësoi veshjet e tyre si vulgare dhe aspak të përshtatshme për televizion. Sa i përket Ilda Bejlerit, Nano tha se veshja e saj ishte “e trishtueshme, ishte vulgare, ishte e pashijshme”.
“Gati-gati ishte fyese. Një fustan si këmishë nate shumë i shkurtër, shumë i ngjitur pas trupit, tmerrësisht i ngjitur pas trupit. Aq sa unë po mendoja se ajo copa e fustanit ishte e futur në mish, gjinjtë që kishin kërcyer përpara në mënyrë të panatyrshme, aq sa unë po mendoja që ato gjinj ishin duke shpuar ekranin dhe do binin në shtëpinë time, në dhomën e ndenjes…”, u shpreh ai për Ildën./a.ç
